გია ჯაჯანიძე: იყავი თავმდაბალი, იზრუნე შენს მომავალზე

ამაყი და პატივმოყვარე ადამიანი იმთავითვე დამარცხებულია. ბოლოს, ცოტა მოგვიანებით, ამ მარცხს აუცილებლად თავად აღიარებინებს გამჩენი.

შენ ვერასოდეს ვერაფერს შექმნი თუ კი საქმის კეთების დროს, ადამიანს შეურაცხოფა მიაყენე და გული ატკინე.

არსებობს მოჩვენებითი, ან ფარისევლური თავმდაბლობა, ეს თავის დამშვიდებაა და შიში მარცხისა.

თუ თავმდაბალი არ ხარ, განწირული ხარ, დაიწყე ფიქრი როგორ დააღწიო თავი პატივმოყვარეობას და სიამაყეს.

ამაყი და პატივმოყვარე ადამიანი, მუდმივად დამცირების მსხვერპლია. იბრძვის თავის დამკვიდრებისთვის, ეჭვით შეპყრობილია, გაურბის საკუთარ თავს, შინაგან ემოციებს და მუდმივ განსაცდელშია.

იყავი თავმდაბალი, იზრუნე შენს მომავალზე, ნუ გაიმწარებ სიცოცხლეს და სიბერეს ერთად.

გიორგი ჯაჯანიძე.